پاکستان میاں اوستمانی امنءُ ایمنی ءَ را  برجہ دارگ ءَ محکمیں کرد پیلو کنگءِ ھاترءَ جزم کتگ، مزن وزیر

اسلام آباد۔22اگست  (اے پی پی): مزن وزیر محمد شہباز شریف ءَ گشتگ کہ پاکستان  میاں اوستمانی امن ءُ ایمنی ءَ را برجہ دارگءَ محکمیں کرد پیلو کنگءِ ھاترءَجزم کتگ، آئیءَ اوست جوڑ کنگءِ گامگیجانی وسیلگءَ دمگی کمک ءَ را محکم کنگءَہوار ایشیا ءَ امنءُ ایمنی ءُ محکمی ءَ را گیش کنگءِ ھاترءَ ایشیائی نزیکی ءُ اوست جوڑ کنگی گامگیج کانفرنس ( سیکا) ءِ بنیاتی مولءُ مرادءِ ھاترءَ پاکستانءِ  ہمرا ہ داری ءِ جزم کتگ۔ پنچ شمبے ءِ روچءَ مزن وزیر میڈیا کارگس ءَ چہ شنگ بوتگیں بیان ءِ ردءَ مزن وزیر محمد شہباز شریف ءَ ایشیائی نزیکی ءُ اوست جوڑ کنگی گامگیج کانفرنس ( سیکا)ءِ  سیکرٹری جنرل سفیر کیرات سری بے ءَ گندءُنند کتگ۔ آیاں جیڑہ آنی  گیش ءُ گیواری، جیڑہ آں چہ رکھّگ ءِ  گامگیجانی سرءَ عمل کنگءُ خطہ ءِ تہا  امنءُ ایمنی ءُ وشھالی ءَ را الم کنگءِ ھاترءَ  گیش مدتی گیشءُ گیواری ءِ ارزشت ءَ را پدر کتگ۔ مزن وزیرءَ اے گپ ءِ سرءَ زور پَر داتگ کہ 2025-26 ءِ ھاترءَ اقوام متحدہ ءِ  سلامتی کونسلءِ   بے پکہیں  باسک بوھگ ءِ ارزشتءَ پاکستان میاں او ستمانی  امنءُ ایمنی ءَ را برجا دارگءِ محکمیں کرد پیلو کنگءِ ھاترءَ جزم کتگ۔ مزن وزیرءَ دمگی نزیکی ءَ را گیش کنگءِ ھاترءَ پاکستان ءِ  جزم ءِ درشانی ہم کتگ ءُ اے ہوالگءَ سیکا ءِ برجاہیں کوشستاناں ہم ساڑاتگ۔ سیکرٹری جنرل سری بے ءَ مزن وزیر ءَ را سیکا ءِ برجاہیں سُرءُ پُر ءُ گامگیجاں ہوار بانداتءِ ھاترءَ وتی وژن ءَ چہ سرپد کتگ۔ آئیءَ سیکا ءَ  پاکستان ءِ  گشادیں کردءَ را ساڑاتگءُ نزیکیں کمک ءَ را برجا دارگ ءِ اُمیت ءِ درشانی کتگ۔