ھال ءُ اھوال کار مریم اورنگزیب ئِ ایشین سپورٹس جرنلسٹس فیڈریشن ئِ سیکرٹری جنرل امجد عزیز ملک ئَ گوں گپءُ تران
اسلام آباد۔30جون (اے پی پی) ھال ءُ اھیوال کاری ءُ راجی ورثہ مریم اورنگزیب ئَ گشتگ کہ مزن وزیر محمد نواز شریف ئِ وژن اِنت کہ پاکستانئِ تہا امنءُ ایمنی بہ بیت ءُ لیبانی پڑ آبات بہ بنت ، لیبانی وسیلگئَ ورناھ آناں جوانیں سُر ءُ پرآنی نیمگئَ آرگ وھدئِ ضلورت اِنت ، ھال در اے ھوالگئَ بنکی کرد پیلو کنت ۔ آئی ئَ گشتگ کہ لیب ءُ گوازی دنیا ئِ تہا امن ءُ ایمنی ءِ گیش کنگئَ جوانی وسیلگ جوڈ بوت کن اَنت۔ ملکی وزیر مریم اورنگزیب ئَ گشتگ کہ حکومت ھال درئَ را ورناھیں لیبی آنی دلبڈی ءُ نوکین ٹیلنٹ ئِ درگیجگ ئِ ھوالگئَ ھاسیں بھرے سرپد بیت۔ ایشین سپورٹس فیڈریشن ئِ سیکرٹری جنرل امجد عزیز ملکئَ اے موھئِ سرئَ گشتگ کہ کانگریس ئِ تہا 30ملک آنی گوما شست مندوبین ئَ ابید سرجمیں پاکستان ئَ چہ سپورٹس جرنلسٹس ھوار بنت، ملکی سیاحت ءِ ھوالگئَ دستاویزی تامور آنی نماش ھم بیت۔ آئی ئَ گشتگ کہ ایشین سپورٹس جرنلسٹس فیڈریشن لیبانی گیشی ءُ سپورٹس جرنلزم ئِ دلبڈی ئِ حکومتی گامگیج ئَ را وش اَتک کنت۔
