پاک فوج سرجمیں ملکئِ تہا مساوی سیکیورٹی ئِ بندوبستئَ کنگئَ اِنت، مار ایک جاھ ناشرکاریئِ نعلتئَ را پروش دیئگی اِنت، پارہ چنار ئِ مردمانی لوٹ ئِ سرئَ آرمی چیف ءَ پارہ چنار ئَ فوجی دستہ آنی تہا گیشی ءُ سیف سٹی منصوبہ آنی جار جتگ ایشی ئَ چہ سیکیورٹی ئِ بندوبست گیش جوان بیت
پارہ چنار۔30جون(اے پی پی) پاک فوج ئِ ھال رسانکی پڑ ( آئی ایس پی آر) ئِ ڈائریکٹر جنرل میجر جنرل آصف غفور ئَ گشتگ کہ پاک فوج سرجمیں ملکئَ مساوی سیکیورٹی ئِ اوست مندیں بندوبستئَ کنگئَ اِنت ، مارا یکجاھ ناشرکاری ئِ نعلتئَ را پروش دیئگ لوٹ ایت، پار ہ چنار ئِ مردمانی لوٹئِ سرئَ آرمی چیف ئَ پارہ چنار ئَ فوجی دستہ آنی تہا گیشی ءُ سیف سٹی منصوبہ ئِ جار جتگ ، ایشی ئَ چہ سیکیورٹی ئِ بندوبست گیش جوان بنت۔ آ جمعہئِ روچئَ پارہ چنار ئَ صحافی آنی گوما گپءُ تران کنگئَ بوتگ۔ ڈی جی آئی ایس پی آر میجر جنرل آصف غفور ئَ گشتگ کہ سرجمیں پاکستانئِ سیکیورٹی برابر اِنت، سرجمیں پاکستان ئِ اُلس برابر اَنت ، مہ کجام ھم فرقہ ئَ چہ بُرز تر اَنت، مہ پاکستانی اَنت ءُ مسلمان اَنت۔ مارا ناشرکاریئِ نعلتئَ را یک جاھ بوھگءُ پروش دیئگی اِنت ، مہ انشاءاللہ سوبمند بنت۔ آئیئَ گشتگ کہ آھود ئَ مردمانی لوٹ لھتیں سیکیورٹی ئِ ھوالگئَ ءُ لھتیں سیاسی ئِ ھوالگئَ بوتگ اَنت ، ھرچی کہ سیکیورٹی ئِ ھوالگئَ بوتگ اَنت اے زوت گیش ءُ گیوار کنگئِ آرمی چیف ئَ پرمان داتگ اے ھوالگئَ گیشیں دستہ تعینات کنگئِءُ سیف سٹی ئِ جار جنگ بوتگ ایشی ئَ چہ سیکیورٹی ئِ نظام باز گہتر بیت۔ آئیئَ گشتگ کہ سرجمیں اوگان سیمسر ئِ سرئَ ٹٹ جنگئِ عمل بندات کنگ بوتگ، اولی بھرئِ تہا ھما حساسیں دمگ اَنت کہ آھودہ ناشرکار پُتیرگ ئِ کوشستئَ کن اَنت وھدے کہ دومی بھرئِ تہا سرجمیں سیمسرئِ سرئَ ٹٹ جنگ بیت۔
