ملتان۔30جون(اے پی پی) احمد پور شرقیہ وئیل ءِ زیر علاج دگہ گیش سئے مردم نشتر نادراھ جان برن یونٹ ءَ بیران بوتگ اَنت۔ ریسکیو 1122وسیلگ ءِ ردءَ احمد پور شرقیہ وئیل ءَ آماچیں دگہ سئے مردم 24سالی محمد شہزاد ولد عتیق حسین، 7سالی آصف ولد فیاضءُ 19سالی راشد ولد کریم بخش جمعہ ءِ سھب ءَ برن یونٹءَ بیران بوتگ اَنت۔ نشتر نادراھ جاھ ءِ برن یونٹ ءَ بیران بوتگیں مردمانی کساس 30بوتگ وھدے کہ وئیلءِ تہا بیران بوتگیں مردمانی کساس 187بوتگ۔ نشتر نادراھ جاھ برن یونٹ ءَ احمد پور شرقیہ وئیل ءِ 64مردم علاج ءِ ھاترءَ آرگ بوتگ اَنت کہ ایشانی تہا 39مردم پیسرءَ چہ بیرا ن بوتگ اَنت وھدے کہ 25مردم انگت برن یونٹءِ تہا زیر علاج اَنت۔ برن یونٹ ءَ جمعہ ءِ روچءَ بیران بوتگیں مردمانی جون کبرءُ کسارتءِ ھاترءَ آھانی پتءُ پیروکی دمگ احمدپور شرقیہ ءَ رھادگ کنگ بوتگ اَنت۔
