ڈیزل ئُُ پٹرول ئِ نیاد 1.50کلدار یک لیٹر کمیگ ئِ جار
پٹرولیم ئِ چیز آنی نیاد آنی تہ ئَ کمی ئَ چہ ھزانگ ئَ را 2.4بلین کلدار ئِ بار سگگی اِنت، وزیر ئِ ھزانگ سینیٹر اسحاق ڈار
اسلام آباد ۔ 30 جون (اے پی پی) بنجاھی حکومت ئَ ڈیزل ئُُ پٹرول ئِ نیاد آنی تہ ئَ 1.50 کلدار یک لیٹر کمی کنگ ئِ جار جتگ۔ آدینگ ئِ روچ ئَ وزیر ئِ ھزانگ سینیٹر اسحاق ڈار ئَ اِدا اھوالکاراں گوں تران کنان ئَ پٹرولیم ئِ چیز آنی نیاد آنی کمیگ کنگ ئِ جار جنان ئَ گوشت کہ ڈیزل ئُُ پٹرول ئِ نیا د آنی تہ ئَ یک لیٹر 1.50 کلدار ئِ پیسلہ کتگ۔ آئی ئَ گوشت کہ ڈیزل ئِ نیاد 1.50 کلدار کمیگ ئَ پد انوں ایشی ئِ نوکیں نیاد 79.90 کلدار یک لیٹر بیت۔ ھمے رنگ ئَ پٹرول ئِ نیاد ئِ تہ ئَ 1.50 کلدار ئَ پد نوکیں نیاد 71.30 کلدار بیت وھدیکہ گاس ٹیل ئُُ لائٹ ڈیزل ئِ نیاد ھما وتی کچ ئَ اوشتنت۔ آئی ئَ گوشت کہ نیاد آنی تہ ئَ کمیگ ئِ بندات یکم جولائی ئَ شپ ئِ 112بج ئَ پد بندات بیت ئُُ نوکیں نیاد 31جولائی ئَ تاں برجا بنت۔ وزیر ئِ ھزانگ سینیٹر اسحاق ڈار ئَ گوشت کہ پٹرولیم ئَ چہ جوڑ بوتگیں ٹیل آنی نیاد ئَ چہ ھزانگ ئَ 2.4بلین کلدار ئِ بار سگگی اِنت۔ آئی ئَ گوشت کہ مزن وزیر ئَ پٹرولیم ئِ چیز آنی نوکیں نیاد آنی منظوری داتگ۔
