کوئٹہ ئَ چہ راولپنڈ ی ئَ روکیں جعفر ایکسپریس ئِ سر ئَ اُرش کنگ ئِ کوشست ناکام کنگ بوت،ترجمان ریلوے

کوئٹہ۔30جون(اے پی پی) کوئٹہ ئَ چہ راولپنڈ یئَ روکیں جعفرایکسپریس ٹرین ئِ سر ئَ اُرش کنگ ئِ کوشست ئَ را ناکام کنگ بوت۔ ترجمان ریلوے ئِ رد ئَ آدینگ ئِ روچ ئَ مچھ اسٹیشن ئِ نزیک ئَ ناشناسیں مردم آں ریل ئِ ٹریک ئِ سر ئَ تاکی چیز پیٹ کتگ بوتگ ، ایشاناں ٹریک ئِ چیکنگ ئِ ساھت ئَ پیٹرولنگ کنوکیں گینگ مین ئَ مشکوکیں بیگ برآمد کت ئُُ پولیس ئُُ سیکورٹی فورسز آناں ھال دات، اے رد ئَ پولیس ئُُ سکیورٹی فورسزآں وھد ئُُ موہ ئِ تہئَ کاروائی کنان ئَ مچھ اسٹیشن ئِ نزیک ئَ بمب ئَ را ناکارہ کت ، اے بمب ئِ گرانی 8ئَ تاں 10 کلو گرام گوشگ بوتگ۔ پولیس ئَ گیش پٹ ئُُ پول بندات کتگ۔