نیب ئَ بے سر ئُُ بے پادیں الزام شنگ ئُُ تالان کنگ ئِ پد ئَ جندی ٹی وی چینل ئِ پروگرام ” کھرا سچ“ ئِ میزبان ئِ ھلاپ ئَ پیمرا ئَ شکاست درج کتگ

اسلام آباد ۔ 29 جون (اے پی پی) قومی احتساب بیورو (نیب) ئِ چیئرمین نیب ئُُ ادارگ ئِ ھلاپ ئَ بے سر ئُُ بے پادیں الزام شنگ ئُُ تالان کنگ ئِ پد ئَ جندی ٹی وی چینل ئِ پروگرام ”کھرا سچ“ ئِ میزبان ئِ ھلاپ ئَ پیمرا ئَ شکاست درج کت۔ نیب ئَ پیمرا ئَ درج کتگیں شکاست ئَ بن گپ ایر کنگ بوتگ کہ جندی ٹی وی چینل ئِ پروگرام ” کھرا سچ“ ئِ میزبان مبشر لمان ئَ 28جون ئَ شپ ئِ 10کلاک ئَ تاں 11کلاک ئِ ساھت ئِ پراگرام ئَ چیئرمین نیب ئِ سر ئَ بھتام ئُُ نیب ئِ محکمہ ئِ سر ئَ بے سر ئُُ بے دُمبیں بھتام بستگئُُ شنگ ئُُ تالان کتگ، اے بھتام آنی مول ئُُ مراد محکمہ ئِ شرپ ئَ را اُلس ئِ تہئَ لٹُک ئِ سرئَ کنگ اِنت۔ ایشی ئَ ابید جندی ٹی وی چینل ئَ نیب ئِ بے شرپ کنگ ایش کہ پیمرا ئِ الیکٹرانک میڈیا کوڈ آف کنڈکٹ 2015ئِ ھلاپ اِنت۔ جندی ٹی وی چینل ئِ مراگش ئِ میزبان مبشر لقمان ئَ پیمرا ئِ ” ضابطہ اخلاق 2015ئِ سیکشن 3 (1)، سیکشن 4 (9) (flag-A) ئُُ سیکشن 22 (1)، (3) ئُُ (4) (b,c,n,d) ئِ لگت مالی اِنت۔ گواچن ایش اِنت کہ چینل 24نیوز ایچ ڈی ئِ انتظامیہ چیئرمین نیب ئِ ھلاپ ئَ بے سر ئُُ بے دُمبیں بھتام بندگ ئَ وتی کانودی، کزبی ئُُ اخلاقی پرز ئِ پیلو کنگ ئَ سرجم ئَ ناکام بوتگ ئُُ ایوک ئَ پوکیں گپ جنگ ئَ اِنت۔ نیب ئَ پیمرا ئَ گوش دزبندی کتگ کہ ھمے چینل ئِ پروگرام ئِ میزبان ئِ ھلاپ ئَ کانود ئِ رد ئَ کاروائی کنگ بہ بیت۔