ایف سی بلوچستان ءَ کوئٹہ ئَ ائید ئِ موھئَ ناشرکاری ئِ کاروائی ناکام کتگ
راولپنڈی۔28جون (اے پی پی ) بلوچستان لبریشن آرمی ( بی ایل اے ) ئِ سکیں لوٹ بوتگیں ناشرکار عبدالرسول الیاس استاد /بورجن/باس ئَ وتی ھمراھ ءُ سلاھ آں گوں سیکیورٹی فورس آنی دیمئَ سلاھ دور داتگ۔ ایف سی بلوچستان ئَ کوئٹہ ئَ ائیدئِ موھئَ ناشرکاریئِ مزنیں کاروائی ناکام کتگ۔ پاک فوج ئِ ھال رسانکی پڑ ( آئی ایس پی آر) ئِ گشگ ئِ ردئَ بی ایل بی ئِ ناشرکا ر عبدالرسول الیاس ئَ وتی ھمراھ ءُ سلاھ آں ئَ ھوار وتئَ را سیکیورٹی فورس آنی دستئَ داتگ۔ عبدالرسول ئَ ریاستی رٹئَ را من اِتگ ءُ وتءَ را سیکیورٹی فورس آنی دستئَ داتگ کہ اثر مندیں معلوم داری ءُ کامیاتیں آپریشن ئَ چہ جوڈ بوتگ۔ عبدالرسول ئِ سلاھ دور دیئگ ئَ چہ پسنی ، کلانچ، دشتءُ مند ئَ امنءُ ایمنی جوڈ بوھگئَ کمک رسیت۔ دومی نیمگئَ ایف سی بلوچستانئَ ائید ئِ موھئَ کوئٹہ ئَ ناشرکاری ئِ کاروائی ناکام کتگ۔ آئی ایس پی آر ئِ ردئَ ایف سی ئَ سبزل روڈ کوئٹہ ئَ کنڈ کتگیں بمب ئَ را ناکارہ کتگءُ تراک کنوکیں مواد آئی ای ڈی برآمد کتگ۔
