کوئٹہ۔ 10 جولائی (اے پی پی) ایس ایس پی آپریشن کوئٹہ محمد بلوچ پارینے کہ انجمن تاجران نا نمائندہ غاک منشیات نا عادی بندغ آتا بحالی کن پولیس ءِ فنڈ تسنو، ہندا ووڑاٹ صوبہ نا کاروباری خواجہ و ایلو سخیک ہم کمک کیر تو راج آن نشہ نا عادی بندغ آتا درمان ءِ پک کرسا داوڑنا مخلوق ءِ راج انا کاریمی نرینہ جوڑ کننگ مریک۔ داخیال آتا درشانی ءِ چارشنبے نادے آکماشی ٹی و فوکل پرسن منشیات ڈی آئی جی علی شیر جکھرانی نا کماشی ٹی مرکزی انجمن تاجران رجسٹرڈ بلوچستان نا صدر عبدالرحیم کاکڑ داؤد شاپنگ سینٹر نا ملک تون اوار ایلو عہدیدارآتون دیوان اٹی کننگا۔ دیوان اٹی منشیات نا عادی بندغ آتا ری ہیبلی ٹیشن سینٹر اٹی درمان کن انجمن تاجران نا صدر عبدالرحیم کاکڑ، داؤد شاپنگ سینٹر ناملک و ایلو تاجران منشیات نا عادی بندغ آتا درمان کن 10 لکھ روپئی نا فنڈعطیہ کریر۔ داوخت آ ایس ایس پی آپریشن کوئٹہ نا پاننگ ئس کہ ہراوڑ انجمن تاجران نا نمائندہ غاک منشیات نا عادی بندغ آتا بحالی کن پولیس ءِ فنڈ تسنو ہندا وڑ صوبہ نا کاروباری خواجہ و ایلو سخیک ہم کمک کیر ۔ انجمن تاجران نا صدر عبدالرحیم کاکڑ، داؤدشاپنگ سینٹر ناماملک ایس ایس پی آپریشنءِ باوری کرفیر کہ نشہ نا عادی بندغ آتا بحالی درمان شار انا گچینی کن تینا کڑد ءِ برجاتخرہ۔
