ملتان۔ 26 جون (اے پی پی) پاک فوج ئِ سروک جنرل قمر جاوید باجوہ ئَ دو شمبے ئَ نشتر ہسپتال ملتان ئَ احمد پور شرقیہ وئیل ئِ ٹپیگ آنی ھال پُرسی کُت۔ پاک اُرد ئِ محکمہ (آئی ایس پی آر) ئِ رد ئَ جنرل قمر جاوید باجوہ ئَ را نششتر میڈیکل یونیورسٹی ئِ وائس چانسلر ئُپ نشتر ہسپتال ئِ برن سینٹر ئِ انچارج ئَ ٹپیلگ آنی جان دُراھی ئِ بابت ئَ سرپدی دات۔ پاک فوج ئِ سروک جنرل قمر جاوید باجوہ ئَ اپسوی وئیل ئَ پد سول انتظامی، موٹروے پنجاپ پولیس، دمگ ئِ اُلس ئُُ ہسپتال ئِ کارندہ آں زوتاں زوت کاروائی کنگ ئِ کوشست آناں ساڑات۔ آئی ئَ گوشت کہ اے وئیل ئَ گوں یکجائی ئَ دیم پہ دیمی مئے راجی زمہ واری اِنت ئُُ پاک فوج سول انتظامی ئِ کمک ئِ ھاترا وتی زمہ واری آں پیلو کنت۔
