ایمان ءُ احتساب ئِ گوما ا ے ماھ ئِ روچگ دارگءُ شپ قدرئِ درگیجوک اعید ئِ مراد بات ئِ گیش ھکدار اِنت، اعید دراھیں انسانیت ئِ ھاترئَ مہرءُ واھگءُ امنءُ ایمنی ئِ کلوھ اِنت، اعید ئِ روچ وتی تہا ھمدردی، ندر ءُ درد دل ایر کنت، اے اللہ تعالیٰ ئِ نعمت آنی شگر ادا کنگ ئِ روچ اِنت، مہ وتی سراپاں تپاکی ودی بہ کن اَنتءُ جنگءُ جڈ ءُ پسات ودی کنوکاناں پروش دیئگی اِنت،
مزن وزیر محمد نواز شریف ئِ کسانیں اعید ئِ وشیانی روچئَ کلوھ
اسلام آباد۔26جون(اے پی پی) مزن وزیر محمد نواز شریف ئَ اعید ئِ وشیانی موھئَ دراھیں اہل اسلام ءُ ھاس اہل پاکستان ئَ را مراد بات پیش کتگءُ دعا لوٹ اِتگ کہ اے روچ دراھیں پاکستانی آنی ھاترئَ بے کسا س وشی آنی سوب جوڈ بہ بات۔ آئیئَ گشتگ کہ اعیدءِ مراد بات گیش ھکدار ھما مردم اَنت کہ آھاں ایمان ءُ احتساب ئِ گوما اے ماھئِ روچگ داشتگ اَنت ، گڑی عشرہ ئِ تاق شپاں قدرئَ را پٹ اِتگ ءُ ربئِ نیمگئَ دلگوچی کتگ۔ مزن وزیر ئَ گشتگ کہ اعید ملت اسلامیہ ئِ میاں اوستمانی تہواراِنت۔ اے در اھیں عالم انسانیت ئِ ھاترئَ مہرءُ محبت ئِ کلوھ اِنت۔ اے روچ وتی تہا بے کساس ھمدردی، ندرءُ درد دل ایر کنت۔ اے اللہ تعالیٰ ئِ نعمت آنی شگرءُ منت ئِ ادا کنگئِ روچ اِنت۔ آئی ئَ گشتگ کہااعید مسلمان آنی ھاترئَ یکجائی وشی ئِ روچ اِنت۔ اے ماھے رمضان ئِ یک مبارکیں روچے بوتگ کہ وھدے کہ پاکستان وجودئَ آتکگ۔ آئیئَ گشتگ کہ رمضان المبارک مئے ھاترئَ تحریک آزاتی ئِ وشیں یاتانی منگیر اِنت۔ ھمے ھاترئَ اعید ئِ روچئَ پاکستان ئِ ملت ِ اسلامیہ ئِ ھاترئَ ھاس وشی ئِ مارشت ھوار اَنت۔ مزن وزیر ئَ اعید ئِ موھئَ وتی ھاسیں کلوھئِ تہا گشتگ کہ پاکستان بازیں مذہب آنی منوکانی یک گلدستگ اِت۔ مہ وتی درسیں مذہبی تہواراں یک وڑئَ شرپءُ احترا مئِ گوما گوازین اَنت۔ ھمے وڑئَ پاکستانی مسلم وتی درمسلم براتءُ گہارآنی مذہبی تہواراں ھوار بنت،ھمے وڈئَ درمسلم پاکستانی ھم اعید ئِ موھئَ مسلمان آنی گوما یکوئیئِ درشانیئَ کن اَنت۔ آئی ئَ اُمیت درشان کتگ کہ مرچی روچ ھم برات مہ براتی ئِ اے جزبگ دمکءُ میتگئَ گندگ بیت۔ آئی ئَ گشتگ کہ انوگیں حکومت ئِ اے جوانیں کوشست اِنت کہ وطن عزیز ئَ را دیمروئی ، امنءُ ایمنی ءُ وشھالی ئِ انچیں بے دروریں جاھے جوڈ بہ کن اَنت کہ اِدئَ ھرچ مردمئَ را برابری ئِ بنیاتئَ معاشی دیمروئی دست بہ کپ اَنتءُ مردمانی ازمءُ علم ئِ شرپ کنگ بہ بیت ءُ کسی ئِ گوما ھچ وڑیں نہ انصافی کنگ مہ بیت ۔ آئی ئَ گشتگ کہ اے درس بوت کنت وھدے کہ پاکستان ئِ تہا مھکمی بہ بیت۔ سیاسی مھکمی ئَ ابید معاشی مھکمی بوت نہ کنت۔مز ن وزیرئَ گشتگ کہ مرچیگیں روچئَ مارا اے عہد کنگی اِنت کہ وتی سرپاں مھکم کن اَنت۔ مارا آ درس پروش دیئگی اَنت کہ آپاکستانئِ تہا پساتءُ نہ تپاکی آرگ لوٹ اَنت۔ مارا سیاسی ءُ مذہبی بیم کاری، ناشرکاری ءُ پسات ئِ زوراکانی ھلاپئَ یک جاھ بوھگی اِنت۔ آئی ئَ گشتگ کہ جمعة الوداع ئِ مبارکیں روچئَ کہ بے گناھیں ءُ معصومیں شہرآناں بے دردری کشتگءُ بے مراد کتگ آھانی مئے اعید ئِ وشی ھراب کتگ اَنت۔ پارا چنار ، کوئٹہ ءُ کراچی ئَ لس شہری آں بہ گرتاں سرکاری اہل کاراں بے گناھیں پاکستانی کہ اے رستریئِ آماچ بوتگ اَنت ایشی ئِ سرئَ سرجمیں راج گمیگ اِنت۔ آئی ئَ گشتگ کہ مہ درسیں آماچیں ھاندانی گمئَ ھوار اَنت ءُ آھانی گوما یکوئی ئِ درشانی ئَ کن اَنت۔ آئی ءَ گشتگ کہ مارا اے وشی آنی موھئَ کشمیرئِ براتءُ گہارآناں ھم یات کنگی اِنت کہ آھانی دل گوں مئے دلئِ گوما توار کن اَنت۔ کہ زُلمءُ نہ ھکی ئِ ساھگئَ اعید کنگئَ مجبور اَنت ، آھاناں رمضان المبارک ئِ ماھئَ کرفیو جنگءُ عبابتئَ چہ دارگ بوتگ۔ ما آھانی صبر ءُ ھوصلہ ئَ را دادءُ سلام پیش کن اَنت ۔ مزن وزیرئَ گشتگ کہ کشمیرئِ مردماناں مذہبی رسمانی ادا کنگءُ انسانی بنکی ھقئَ چہ زہبار کنگ بوھگئَ انت کہ ایشیئِ سرئَ اقوام متحدہ ئَ را ایشی ئِ سرئَ گامیگج چست کنگ لوٹ ایت۔ آئیءَ یک رندے پدا سرجمیں راجءَ را اعید ئِ مراد بات پیش کت ءُ اللہ تعالیٰ ئَ گوں دعا لوٹ اِتگ کہ آ مارا وتی پناھئَ بہ کنت ، پاکستان ئَ را امنءُ ایمن بہ کنتءُ اعید ئِ روچئَ پاکستانءُ عالم اسلام ئِ ھاترئَ گلءُ شاتئِ روچ بہ کنت۔
