اسلام آباد۔25جون (اے پی پی) ساک چیمبر آف کامرس اینڈ انڈسٹری ئِ نائب صدر افتخار علی ملک ئَ ایشیائی ھمساھگیں ملک ءُ دو ایٹمی طاقت پاکستانءُ بھارت ئِ سرئَ زور پِر داتگ کہ آ وتی کستءُ کینگءُ نہ تپاکی ئِ ھلاسی ئَ را امنءُ ایمنی ءُ بہ معنی سولءُ تران ئِ وسیلگئَ بہ کن اَنت۔ یک شمبے ئِ روچئَ ھال رسانکیئَ گوں گپءُ تران کنان ئَ آئی ئَ گشتگ کہ ھمساھگیں ملک آنی سیادی ئِ تہا گہتری نہ تنا پاک بھارت بلکیں خطہ ئِ ھاترئَ ھم ضلوری اِنت۔ آئی ئَ گشتگ کہ خطہ ئِ ملک آنی مھکمیں اقتصادی سیادی ئَ چہ روزگاری ئِ پھجاری ئِ تہا گیشی ، افراط زر ئِ شرح ئِ تہا کمی ءُ توانائی ئِ پھجاری ئِ تہا گہتری بوتگ کنت۔ آئی ئَ گیش گشتگ کہ دوھیں وت مہ وتئَ نہ وشی ءُ کستءُ کینگ ئِ ھلاسی ئِ ھاترئَ گیش کوشست کنگئِ ضلورت اِنت۔ آئی ئَ گشتگ کہ دوھیں ملک آنی سیادی ئِ تہا گہتری آرگ بیت اگاں دوھیں ملک آنی حکومت سفری آسراتی ءِ پھجاری ئِ ھاترئَ ویزہ ئِ ھاترئَ ارزانی، سیلءُ سوادی آنی رکینگ، نودربرءُ راھ بر، دگہ بازیں پڑآنی زانت کار، دودءُ ربیدگی ڈلانی رﺅگءُ آھگ، یکجائی نماش ءُ طباعت ئِ بندوبست ءُ یکے دومی ءَ گوں تجروبتانی سرپد کنگئَ گہتری آرگ بیت۔ آئی ئَ گشتگ کہ لیب ءُ سیاستئَ را جتاھ جتاھ کنگ لوٹ ایت ءُ وت مہ وتئَ سیادی ئِ گہتری ءُ سیمسری جیڑھ آنی ھلاس ئِ ھاترئَ بہ معنی سول ءُ تران کنگ لوٹ ایت۔ آئی ئَ گشتگ کہ کشمیرئِ جیڑھ ئِ امنءُ ایمنی ئِ گوما گیش ءُ گیوار کنگ وھدئِ ضلورت اِنت۔ سارک چیمبر آف کامرس اینڈ انڈسٹری ئِ نائب صدر افتخار علی ملک ئَ اقوام متحدہ ، میاں اوستمانی براتی ئَ ھوارپاکستان ءُ بھارت ئَ گوں لوٹ کتگ کہ کشمیرآنی وت واجہی ئِ ھاترئَ وتی کردئَ پیلو بہ کنت تنکہ خط ئَ چہ جیڑھءُ جنجال ھلاس کنگ بہ بنت۔
