پشاور ئِ دمگ مترہ ئَ سیکیورٹی فورس آں سئے ناشرکار جتگءُ کشتگ
راولپنڈی۔ 24جون (اے پی پی) پشاور ئِ دمگ مترہ ئَ سیکیورٹی فورس آں یک آپریشن ئِ تہا سئے ناشرکار جتگءُ کشتگ اَنت۔ پاک فوجءِ ھال رسانکی پڑ ئِ نیمگئَ چہ شمبے ئِ روچئَ جاری بیانئِ ردئَ سرجمیں ملکئَ ردالفساد جاری اِنت، شکیگیں دمگاں انٹلی جنس ھالانی پدئَ کاروائی ءُ سرچ آپریشن بوھگئَ اَنت۔ پشاور ئِ دمگ مترہ ئَ انٹلی جنس معلوم داری ئِ روژنائی ئَ کتگیں کاروائی ئِ تہا یکے دومی ئِ سرئَ تیر گواری کنانئَ سئے ناشرکار بیران بوتگ اَنت، اے وھدئَ یک سپائی ءُ سئے پولیس اہلکار ٹپیگ بوتگ اَنت۔ بیان ئِ ردئَ پنجاپ ئِ دمگاں گوجرہ ، جڑانوالہءُ فیصل آبادئِ کشءُ کرئَ پاکستان رینجرز پنجاپ ئَ سی ٹی ڈی، پولیس ءُ انٹیلی جنس ایجنسی آں یکجائی سرچ آپریشنز کتگ، اے کاروائی آنی تہا 12شکیگیں مردم دزگیر کنگ بوتگ اَنتءُ آھانی گورئَ چہ گیر کانودی سلاھ دست کپتگ۔
