اسلا م آباد۔24جون(اے پی پی ) پارا چنار، کوئٹہ ءُ کراچی ئَ ناشرکاری ئِ وئیلانی بوھگئَ ملکئِ دگہ دمگانی وڈئَ اسلام آبادئَ ھم سیکیورٹی ترند کنگ بوتگ دراھیں پولیس ملازم آنی موکلی ھلاس کنگ بوتگءُ اعید شپءُ اعید ئِ نماز ئِ ھاترءَ ھاسیں بندوست کنگ بوتگ۔ پولیس جارچین ئِ ردئَ کوئٹہ، کرم ایجنسی ئِ ہیڈکوارٹر پارا چنارءُ کراچی ئَ انوگیں بوتگیں ناشرکاری ئِ وئیلاں چہ پد اسلام آبادئَ حفاظتی گامگیجاناں پیسرئَ چہ گیش ترند کنگ بوتگ اَنت بنجاھی پولیسئَ اعید شپ ءُ اعید ئِ ھاترئَ ھاسیں سیکیورٹی پلان جوڈ کتگ ءُ دراھیں ملازم آنی مھتلی ھلاس کتگءُ حفاظتی بندوبستانی ھاترئَ 2500اہلکار آنی ڈیوٹی جتگ۔ شاپنگ سنٹرز، سیلءُ سوادجاھ، مسیت، امام بارگاہ، اقلیت آنی عبابت جاھءُ دگہ بازیں مارکیٹ آنی سرئَ پولیس گیش تعینات کنگ بوتگ اَنت۔ وھدے کہ پولیس ئِ گوما رینجرز ءُ ایف سی اہلکار ھم سیکیورٹی ڈیوٹی کن اَنت۔
