اسلام آباد۔24جون(اے پی پی) ناشرکاری ئِ گرءُ دارئِ راجی ادارگ ئَ بندش جتگیں تنظیم آنی نوکیں لڑ جاری کتگ۔نیشنل کاﺅنٹرٹیریرازم اتھارٹی ئِ لڑ ئِ تہا بندش جتگیں ءُ واچ لسٹ تنظیم آنی کساس71بوتگ۔ گوستگیں روچئَ نیکٹا ئِ نیمگئَ چہ جاری کتگیں لڑ ئِ تہا غلامان صحابہ( جی ایس ) تنظیم ئَ را واچ لسٹ ئِ تہا ھوار کنگ بوتگ۔ غلامان صحابہ تنظیم ئَ را گوستگیں ماھ 30مئی ئَ واچ لسٹ ئِ تہا ھوار کنگ بوتگ۔ جماعت الدعوہ ءُ فلاح انسانیت تنظیم پیسرئَ چہ واچ لسٹ ئِ تہا اَنت۔
