تراک ئِ نتیجگئَ 2گاڑی ءُ یک رکشہ تباھ بوتگ، وت کش اُرش ئِ باروا گشگ وھدئَ چہ پیسری گپے بیت، ڈی آئی جی کوئٹہ
کوئٹہ ۔23جون(اے پی پی) کوئٹہ ئَ آئی جی پولیس ئِ کارگس ئِ نزیک ءَ تراک ئَ پولیس اہلکارآں ھوار 5مردم بیرانءُ16ٹپیگ بوتگ اَنت، تراک ئَ چہ 2گاڑی ءُ یک رکشہ ئَ را تاوان رسیتگ۔ ڈی آئی جی کوئٹہ پولیس عبدارزاق چیمہ ئَ صحافی آنی گوما گپءُ ترا ن کنانئَ گشتگ کہ جمعہ ئِ سھب ئَ کوئٹہ ئِ دمگئَ آئی جی پولیس کارگس چوک ئِ نزیکئَ ڈیوٹی ئِ سرئَ استیں پولیس اہلکار آں گلستان روڈ ئَ چہ آیوکیں یک شکیگیں گاڑی ئَ را دارگئِ کوشست کتگ بلے گاڑی ئَ نہ داشتگ دومی جاھئَ پولیس ئَ گاڑی ئَ را داشتگ گڈا ھمے دمانئَ تراک بوتگ۔ آئی ئَ ھال داتگ کہ تراک ئِ نتیجگئَ پولیس اہلکار آں ھوار 5مردم بیران وھدے کہ16ئِ نزیکئَ مردم ٹپیگ بوتگ اَنت جونءُ ٹپیاناں زوت سول نادراھ ءُ کمبائنڈ ملٹری نادراھ جاھ ئَ سر کنگ بوتگ اَنت۔ یک جستے ءِ پسوئَ عبدالرزاق چیمہ ئَ ھال داتگ کہ اے گشگ وھدئَ چہ پیسری گپے بیت کہ اے اُرش وت کُشے بوتگ ءُ ایشی ئِ ٹارگٹ چے بوتگ تراک ئَ پد بم ڈسپوزل ءُ دگہ ٹیم پٹءُ پول ءُ جستءُ پُرس کنگئَ اَنت آھاں کہ دگہ اپ ڈیٹ رسیت ھال درئَ را سرپد کنگ بیت۔ یک دگہ جستےءِ پسوئَ آئیئَ گشتگ کہ شہر ئِ تہا سیکورٹی الرٹ بوتگ ءُ پولیس اہلکار آں وتی جانانی پروا نہ کتگءُ وئیل ئَ را گیش مزن بوھگئَ نیشتگ۔ تراک ئَ پد آئی جی میجر جنرل ندیم انجم، پاک فوج ئِ اعلیٰ حکام ئَ تراک ئِ جاگہ ئِ تپاسی کتگءُ معلوم داری حاصل کتگ۔ تراک ئِ نتیجگئَ 2گاڑی ءُ یک رکشہے سرئَ تباھ بوتگ اَنت۔
