اسلام آباد۔23جون(اے پی پی) مزن وزیرئِ نیمگئَ چہ جوڈ کتگیں حج شورءُ صلاھی کمیٹی ئِ اجلاس مذہبی امور ئِ بنجاھی وزیر سردارمحمد یوسف ئِ سروکی مدینہ منورہ ئَ بوتگ۔ اے موھئِ سرئَ ڈائریکٹر جنرل حج ساجد یوسفانی ئَ اجلاس ئَ را اے سال حج ئِ ھاترئَ کتگیں گامگیجانی ھوالگئَ کمیٹی ئَ را شونشت داتگ۔ آئیئَ گشتگ کہ تاں انوں88ہزار عازمین حج ئِ ھاترئَ نندہجاھ زورگ بوتگ۔ ساجد یوسفانیئَ گشتگ کہ پاکستان عازمین حج ئَ را منیٰ، مزدلفہ ءُ عرفات ئَ آھانی نندگئِ وھدئَ وردنءُ وراک ھم پھجارینگ بیت۔ ڈائریکٹر جنرل حج ئَ گشتگ کہ اے سال سرکاری حج سکیم ئِ ردئَ 3لکھ 38ہزار حج دزبندی دست کپتگ اَنت کہ ایشانی تہا حج ئِ سرکاری پروگرام ئِ سرئَ مردمانی اوست مندی اِنت۔
