کوئٹہ ۔23جون (اے پی پی) بلوچستان ئِ سروزیر نواب ثناءاللہ زہری ئَ کوئٹہ تراک ئِ ترندیں لبزاں ایر جتگءُ گران نیادیں جانانی تاوان بوھگئِ سرئَ اپسوز ءُ ڈُکھئِ درشانی کتگ۔ جمعہ ئِ روچئَ ھال در ئِ گوما گپءُ تران کنانئَ آئیئَ گشتگ کہ رمضان المبارک ئَ بے گناہیں مردمانی ھون کہ آ مردماں ریتکگ اَنت اے مرمدم کدی پھیل کنگ نہ بنت۔ آئی ئَ گشتگ کہ کوئٹہ ئَ سیکیورٹی ئِ گامگیجاناں ترند کنگئِ ھاترئَ انسپکٹر جنرل پولیس ءُ ضلعی انتظامیہ ئَ را ہدیت جاری کنگ بوتگ کہ کوئٹہ سیکیورٹی پلان ئِ نوک سرئَ تپاسی کنگ بیت۔ نواب ثناءاللہ زہری ئَ کوئٹہ تراکئِ تہا بیران ءُ ٹپیگ بوتگیں مردمانی ھاندانانی گوما ھمدردی کتگءُ آئیئَ گشتگ کہ گران نیادیں جانانی زوال بوھگئِ سرئَ سک باز اپسوز اِنت۔ آئیئَ محکمہ جانءُ سلامتیئَ را ہدایت جاری کتگ کہ ٹپیگ بوتگیں مردماناں جانءُ سلامتی ئِ جوان تریں آسراتی پھجارینگ بہ بیت ءُ آ مردم کہ سک ٹپیگ بوتگ اَنت آ کراچیءَ برگ بہ دنت۔
