کوئٹہ ۔23جون (اے پی پی) بلوچستان حکومت ئِ جارچین انوار اللہ کاکڑ ئَ گشتگ کہ کوئٹہ تراکئَ پد جمعتہ الوداع ءُ یوم القدس ئِ موھئَ سیکیورٹی ئِ گامگیجانی نوکئَ سرئَ تپاسی کنگ بوھگءَ اِنت ءُ صوبائی بنجاھی حکومت ئِ پُترءُ درا ئِ کشکانی سرئَ سیکیورٹی سک باز ترند کنگ بوتگ۔ جمعہ ئِ روچئَ کوئٹہ ئَ ھال درئِ گوما گپءُ تران کنانئَ آئی ءَ گشتگ کہ کوئٹہئِ دراھیں سرکاری نادراھ جاھانی تہا ایمرجنسی کنگ بوتگءُ ڈاکٹرءُ پیرامیڈیکل سٹاف ئِ موکل ھلاس کنگ بوتگ اَنت۔ انوار اللہ کاکڑ ئَ گشتگ کہ بلوچستانئِ سروزیر نواب ثناءاللہ زہری ئَ آئی جی پولیس ئَ ر اگشتگ کہ جمعتہ الوداع ءُ اعید ئِ موھئَ سیکیورٹی ئِ گامگیجانی نوک سرئَ تپاسی کنگئِ ہدایت داتگءُ کوئٹہ تراکئِ رپورٹ لوٹ اِتگ۔ آئی ئَ گشتگ کہ بلوچستان حکومت ئِ گشگ اِنت کہ کوئٹہ تراک ئِ ٹپیاناں سول نادراھ جاھ کوئٹہ ءُ سی ایم ایچ کوئٹہ ئَ جوان تریں طبی آسراتی پھجارینگ بوھگئَ اِنت ءُ جانءُ سلامتی ئِ صوبائی سیکرٹری دراھیں کارانی وت سرپانکی ئَ کنگئَ اِنت۔
