اسلام آباد۔ 22 جون (اے پی پی) اقوام متحدہ ئَ پاکستان ئِ مستقل مندوب ڈاکٹر ملیحہ لودھی ئَ گوشت کہ طالبان ئِ محفوظیں ٹھکانہ دگہ اِچ جاھ ئَ نہ اَنت بلکینگ ئَ اوگانستان ئَ اَنت، پاکستان وتی سرڈگار ئَ دگہ اِچ ملک ئِ ھلاپ ئَ کارمرد بوھگ ئَ نئیل ایت، پاکستان اوگانستان ئِ جیڈھ ئِ گیواری ئِ ھاترا سول ئُُ تران کنگ ئِ سر ئَ دل یکیم اِنت، اوگانستان ئِ پڑ ئَ ناشرکاری ئِ ھلاسی ئِ ھاترا پاکستان ئِ گوما کار کنگ لوٹ ایت۔ اقوام ئِ متحدہ ئِ سلامتی کونسل ئَ اوگانستان ئِ بابت ئَ باست ئُُ واست ئِ تہ ئَ بھر زوران ئَ پاکستان ئِ مستقل مندوب ئَ اوگانستان ئَ جوانیں دیمروئی ئِ ھاترا پاکستان ئِ نیمگ ئَ کمک ئَ را جاڑی دارگ ئِ جزم ئِ درشان کُت ئُُ گوشت کہ اوگانستان ئَ جوانیں ایمنی پڑ ئِ برجائی ئَ سک باز کم اِنت۔
