اسلام آباد۔ 22 جون (اے پی پی) مزن وزیر محمد نواز شریف ئَ محمد بن سلمان بن عبدالعزیز السعود ئَ را سعودی عرب ئِ ولی ئِ زمانگ گچین بوھگ ئِ پد ئَ مبارکی دات ئُُ اُمیت درشان کت کہ آئی ئِ جوانیں ازمکاری ئُُ پاگواجئی ئَ سعودی عرب ئِ شرپ گیش بلن تر بیت ئُُ سلطنت ئِ اُلس گیش آسودگ بیت۔ پنچ شمبے ئِ روچ ئَ ولی ئِ زمانگ ئِ نام ئَ وتی شاتی کلوہ ئِ تہ ئَ مزن وزیر پاکستان ئِ حکومت ، اُلس ئُُ وتی نیمگ ئَ مبارکی پیش کنان ئَ گوشت کہ پاکستان ئُُ سعودی عرب ئِ یک رنگیں نیک راھی، مادنیں راھ ئُُ آیکویں آکبت یک رنگ اَنت۔ من ئَ اُمیت اِنت کہ آیوکیں وھد ئَ گیش مھکم بیت ئُُ دوئیں براتیں اُلس آنی نیام ئَ دوستی ئُُ براتی ئِ شھرگ گیش جھلانک بیت۔ مزن وزیر ئَ سعودی عرب ئِ ایمنی، برجائی ئُ وشھالی ئِ ھاترا نیکیں واھگ آنی درشان کت۔
