اسلام آباد۔ 21 جون (اے پی پی) قومی احتساب بیورو (نیب) ئِ چیئرمین قمر زمان چوہدری ئَ گوشت کہ نیب لٹ ئُُ پل ئَ را ترندی ئَ دست پنجگ کنگ ئَ جزم ایگ اِنت، نیب ئِ نیمگ لٹ ئُُ پل ئَ را گر ئُُ دار کنگ ئِ کوشست ئِ سبب ئَ جنوبی ایشیاءئِ ملک آنی دمگی گل سارک ئِ تہ ئَ پاکستان ئَ را رول ماڈل ملک ئِ درور ئَ پیش دارگ بوھگ ئَ اِنت ایش پاکستان ئِ واستہ لائک ئِ پگر اِنت۔ آئی ئَ اے گپ لٹ ئُُ پل ئِ گر ئُُ دار ئِ ھوالگ ئَ نیب ئِ کرد ئِ بابت ئَ یک چار ئُُ تپاسی دیوان ئَ گشتانک ئِ ساھت ئَ کت اَنت۔ چیئرمین نیب ئَ گوشت کہ آئی ئِ ادارگ ملک ئَ چہ لٹ ئُُ پل ئِ ھلاسی جزم ئَ دار ایت۔ آئی ئَ گوشت کہ پاکستان سارک ملک آنی ئَ ایوکیں ملک اِنت کہ ٹرانسپیرنسی انٹرنیشنل ئِ گوسگتیں ”انڈیکس“ لڑ ئَ گوستگیں سئے سال آنی تہ ئَ 175یک سد ئُُ ھپتاد ئُُ پنچ ئَ چہ 116یک سد ئُُ شانزدھمی نمبر ئَ اتکگ، نیب سارک ئَ لٹ ئُُ پل ئِ گر ئُُ دار ی فورم ئِ اولی چیئرمین جوڑ بوتگ، پاکستان ئَ نیب ئِ کوشست آں چہ اے کامیاتی در جتگئُُ ھمے سبب اِنت کہ سارک ملک آنی تہئَ لٹ ئُُ پل ئِ ھلاسی ئِ ھاترا کوشستانی رد ئَ پاکستان ئِ رول ماڈل ملک ئِ رنگ ئَ پیش دارگ بوھگ ئَ اِنت ایش پاکستان ئِ ھاترا لائک ئِ توسیپ اِنت۔
