اسلام آباد۔ 21 جون (اے پی پی) صدر مملکت ممنون حسین ئَ گوشت کہ ”یک پڑ ، یک دگ“ ئِ سسا ءَ دگنیا ئِ نوکیں مٹ ئُُ بدلی ئِ بن ھشت ایر کتگ ایشی ئَ پد پڑ ئَ نوکیں اسٹریٹیجک ڈاکٹرائن المی بیت۔ اُمیت اِنت کہ اے رد ئَ نیشنل ڈیفنس یونیورسٹی دیمپانی تھنک ٹینک ئِ بستار ئَ ارزشتی ایں کرد پیلو کنت۔ صدر ئِ مملکت ئَ اے گپ چار شمبے ئِ روچ ئَ نیشنل ڈیفنسیونیورسٹی ئِ 16شانزدھمی کانووکیشن ئُُ وار کورس ئِ داد آنی بھر ئُُ بانگ ئِ ساھت ئَ گشتانک ئَ کُت اَنت۔ وار کورس ئَ سلاھ بندیں اُرد ئُُ سرکاری ادارگ آنی کلانئیں اپسرگ آں ابید 23دوستیں ملک آنی 42کلانئیں اپسرگ آں بھر زُرت۔ اے موہ ئِ سر ئَ نیشنل ڈیفنس یونیورسٹی ئِ صدر لیفٹیننٹ جنرل رضوان اختر ئَ گشتانک دات۔ مراگش ئَ مزن وزیر ئِ نیشنل سیوکرٹی ایڈوائزر لیفٹیننٹ جنرل (ر) ناصر جنجوعہ ھم ساڑی اَت۔ صدر ئِ مملکت ئَ گوشت کہ بیست ئُُ یکومی سد ئَ ابکہ ئی جوڑیشت ئُُ اسٹریٹیجک مٹ ئُُ بدلی ئِ سبب ئَ جتائیں بستار ئِ دار ایت۔ پاک چین اقتصادی راہداری ئُُ ”یک پٹ یک دگ“ ئِ سسائَ اے دگنیا ئَ نوکیں مٹ ئُُ بدلی ئِ بن ھشت ایر کتگ ایشی ئِ دیمپانی جیڈھ آنی سر ئَ جھلانکیں سیادی ئِ است اِنت گوں ، آئی ئَ گوشت کہ اے منصوبگ آنی سر ئَ انچو انچو کہ دیمروئی بوھگ ئَ اِنت، پڑ ئَ جوانیں برورد دیم ئَ گندگ بوھگ ئَ اِنت۔ اے رنگ ئَ نوکیں اسٹریٹیجک ڈاکٹرائن الم جوڑ بیت۔ آئی ئَ امیت سہرا کت کہ نیشنل ڈیفنس یونیورسٹی آیوکیں باندات ئَ اے چیلنج ئَ جوانیں گوں دست پنجگ کنت۔
