پاکستانی انجینئرو ہنر مند آتے جدید تربیت و ہنر منتقل مننگ ئِ
اسلام آباد۔ 21جون (اے پی پی) پاک چین اقتصادی راہداری (سی پیک) نا رداٹ صنعتی و تکنیکی کمکاری نا چندی ڈ ٹ آتیا کاریم برجائِ۔ سی پیک نا رداٹ پاکستان اٹی 55 ارب ڈالر آن زیات مالیت نا زرکاری کننگ انگ ئِ ہرافتے ٹی روڈ، بنداوی ڈھانچہ و توانائی نا ڈٹ آک اوار ئُ ولے داڑتون اوار اوار صنعتی و تکنیکی کمکاری نا چندی ڈٹ آتیا ہم کاریم مننگ ئِ۔ داڈٹ آتیٹی ہائیر اینڈ روبا اقتصادی زون فیز ٹو، راولپنڈی آن خنجراب اسکان آپٹیکل فائبر کیل، ڈی ٹی ایم بی ڈیمانسٹریشن پروجیکٹ، لاہور اورنج لین میٹروٹرین، و پاکستان اٹی ٹی ڈی و ایل ٹی ای نا کمرشلائزیشن نا ڈٹ آک اوار ئُ۔ ہائیر اینڈ روبا اقتصادی زون نا ٹھیکہ ہائیر الیکٹریکل ایپلی کیشنز کارپوریشن (لمیٹڈ) ئِ ملانے۔ داڈٹ انا رداٹ مانگامنڈی ٹی 1.03مربع کلومیٹر نا علاقہ ٹی اقتصادی زون جوڑ کننگ انگ ئِ ہراڑآکاریم برجائِ۔
