اسلام آباد۔ 21جون (اے پی پی) محکمہ موسمیات نا رداٹ بروک آ 24گھنٹہ ٹی خیبرپختونخوا، فاٹا، اسلام آباد ، راولپنڈی، گوجرانوالہ، سرگودھا، لاہور، فیصل آباد، بہاولپورڈویژن و کشمیر اٹی جاگہ جاگہ ترند تہو /ہورہ و گروک تون پِر وخت اس کہ گڑاس ہند آتیا پِر انا گمان ئِ وخت اس کہ ساہیوال، ملتان، ڈی جی خان، ژوب ڈویژن و گلگت بلتستان اٹی گڑاس ہند آتیا ترند تہو /ہورہ و گروک تون پِر انا گمان ئِ۔ رپورٹ نا رداٹ سندھ انا کرکی علاقہ غاتیٹی گڑاس ہند آتیا ہلکا پِر و بونداباندی نا گمان ئِ وخت اس کہ ملک انا ایلو علاقہ غاتیٹی موسم باسن و مرطوب سلک۔ گدرینگوک آ 24گھنٹہ ٹی لاہور، سرگودھا، گوجرانوالہ، ڈی جی خان، ملتان ، بہاولپور، مالاکنڈ، ہزارہ ڈویژن، کشمیر و گلگت بلتستان اٹی جاگہ جاگہ ترند تہو و ہورہ و گروک تون پِر مس وخت اس کہ ملک انا ایلو علاقہ غاتیٹی موسم باسن و پِر کتنے۔
