اسلام آباد۔ 20 جون (اے پی پی)سرمایہ کاری بورڈ ئِ چیئرمین ڈاکٹر مفتاح اسماعیل ئَ گوشت کہ مزن وزیر محمد نواز شریف ئُُ آ ئی ئِ ھاندان پرویز مشرف ئِ زمانگ ئَ چہ ھساب ئُُ کتاب ئَ گوں دیم پہ دیم آں پدا ھم آئی ءِ ھلاپ ئَ اِچ ثبوت دست نہ کپتگ۔ گوستگیں روچ ئَ یک گلگدارئِ ئے تہ ئَ آئی ئَ گوشت کہ پانامہ ایشو ئِ بنگیج ئَ چہ مزن وزیر ئَ وتی ھاندان ئَ را ھساب کتاب دیگ ئِ ھاترا پیش کتگ۔ آئیئَ گوشت کہ پاکستان مسلم لیگ ن ئِ حکومت ئَیکجائی پٹ ئُُ پولی ٹیمب ئِ نیمگ ئَ چہ پٹ پولی کار ئِ تہ اِچ پینگ نہ جتگ۔ یک جُست ئِ پسو ئَ آئی ئَ گوشت کہ تحریک ئِ انصاف ئَ ایشی ئَ چہ پیسر مسلم لیگ ن ئِ ھلاپ ئَ دھاندلی ئَ بھتام بستگ پدا ھم جوڈیشل کمیشن ئَ اے الزام آناں بے بنیات نامینتگ گواچن ایش انت کہ مزن وزیر سیمی رند ئَ اُلسی زور ئِ سر ئَ ملک ئِ گچین بوتگیں مزن وزیر بوتگ آئی ئِ کشک ساپ ئُُ سلہ اِنت، مسلم لیگ ن ئَ گلگت بلتستان، آزات کشمیر، بازیں ھندی گچینکاری ئُُ بلدیاتی گچینکاری ئَ تحریک ئِ انصاف ئَ را پروش ئِ داتگ۔
