حسین نواز نا عکس لیک نا بابت سپریم کورٹ نا فیصلہ ئِ امنا کینہ، اونا شرف ئِ کینہ
کانودی ٹیم غور اٹ جاچ ہلیک،کانودی صلابت آن پد پین کانودی
چارہ جوئی نا فیصلہ ئِ کننگک، طلال چوہدری
اسلام آباد۔ 18 جون (اے پی پی) پاکستان مسلم لیگ (ن) نا راہشون طلال چوہدری پارینے کہ حسین نواز نا عکس لیک انا بابت سپریم کورٹ نا فیصلہ نا ننا کانودی ٹیم غوراٹ جاچ ئِ ہلیک، کانودی صلابت آن پد مستی کانودی چارہ جوئی نا فیصلہ ئِ کننگک، حسین نواز نا عکس لیک درخواست نا سماعت آن پد سپریم کورٹ نا پیشن میڈیا تون ہیت وگپ کرسا اوپارے کہ پی ٹی آئی نا کنڈآن وار وار دا پاننگک کہ ن لیگ عدلیہ نا برخلاف مہم اس چلیفنگ ئِ ، ننے آ دادوبہ ئِ فواد چوہدری خلنگ اٹی ئِ ہراتینٹ عدالت نا توہین ئِ کرسا کرینے۔ اوپارے کہ مسکوہی بنجائی وزیر سینیٹر بابر اعوان مستین اٹی عدالتی فیصلہ غاتیا مسخرہ خلککہ و اینو ہمو بابر اعوان ئِ ہرا ہند اعدالت آتا فیصلہ غاتا دفاع ئِ کرسا خننگاکہ۔ اوپارے کہ ن لیگ اینو ہم ہنداوڑمیدان اٹی سلوک ئِ ہراوڑ اولیکو دے سلوک ئس۔ اوپارے کہ عکس لیک معاملہئِ اول حکومت آ بِٹنگا ولے داہیت ثابت مننگ کتو، اوپارے کہ نن عکس لیک مننگ نا کانودی نقطہ ئِ ہم مون آ تخان۔ اوپارے کہ ننا انت کہ گڑتی اس مریک اودے نن ضرور چست کینہ و دا ننا کانودی حق ئِ۔
