اسلام آباد۔ 20 جون (اے پی پی) دہشت گرد آتا برخلاف آپریشن ضرب عضب اٹی زہمی مروک آ سویلی وزیرستان نا عارضی وڑاٹ بے اُرا بندغ آتا 79 ہزار 150 خاہوت داوخت اسکان تینا علاقہ غاتیا پدی ہنانو۔ پدی ہنوک آ بے اُرا بندغ آتے 25ہزار روپئی کیش گرانٹ وخت اس کہ دہ ہزار روپئی ٹرانسپورٹ نا مد اٹی تننگ انگ ئِ۔ ایف ڈی ایم اے نا کمامدارآتارداٹ دہشت گرد آتا برخلاف فاٹاٹی آپریشن بے اُرا بندغ آتا 79 ہزار 150 خاہوت پدی تینا علاقہ غاتیا سرمسنو، ولے سویلی وزیرستان اٹی پدی ہِننگ نا عمل 95 درسد اسکان پورو مسنے۔ کمامدارآتارداٹ پدی ہنوک آ عارضی وڑاٹ بے اُرا بندغ آتے 25 ہزار روپئی کیش گرانٹ وخت اس کہ 10 ہزار روپئی ٹرانسپورٹ نا مد اٹی بذریعہ موبائل سم تننگ انگ ئِ۔ کمامدارآتارداٹ عارضی وڑاٹ بے اُرا بندغ آتا پدی ہِننگ نا وخت آ جہانی ادار ہ خور ورلڈ فوڈ پروگرام نا رداٹ بے اُرا بندغ آتے شش تُو اکن مفت راشن، تمبو و ایلو اُراٹی کاریم اٹ اتوک آ گڑا تننگ انگ ئِ۔ کمامدارآتارداٹ پدی ہِننگ نا چارمیکو و آخریکو مرحلہ بلاتاخیر ترندی اٹ جاری ئِ۔
