اسلام آباد۔ 19 جون (اے پی پی) مسلم لیگ (ن) نا باسک قومی اسمبلی دانیال عزیز پارینے کہ نن ادارہ غاتا شرف ئِ کینہ، تحریک انصاف ادارہ غاتا تضحیک ئِ کیک، عمران خان کنگال اس ئس، اودے اُراکن اُرائی آن وام ہلوئی تما، اونا ہمیشہ کس اسے انا جیب اٹی دومسنے، عمران خان بھارتی فرم اٹی ملازم مسنے، ہموکان پیسہ ہلسا کرینے، عمران خان انسداد دہشت گردی عدالت نا اشتہاری ئِ۔ دوشنبے نا دے الیکشن کمیشن نا پیشن میڈیا تون ہیت وگپ کرسا دانیال عزیز پارے کہ مخالف آک بے شاہدی توہین عدالت نا درخواست تسر، نن مخالف آتیانبار افن، ادارہ غاتا پاسداری ئِ کینہ، تحریک انصاف ادارہ غاتا تضحیک ئِ کیک، عمران خان نا ہر عدالت آن وارنٹ پیش تمانے۔ عمران خان انسداد دہشت گردی عدالت نا اشتہاری ئِ۔ تحریک انصاف تینا ہی صوبہ ٹی احتساب نا ادارہ ئِ تالااس خلفینے، عمران خان 1997ءٹی پنچ نشست آتیا شکست کُنگ، عمران خان ئِ تو1997ءنا ریکارڈ ہم ملیپننگ ئِ۔ اوپارے کہ جمہوریت تون واردات نا ہمیشہ کن بایدے خاتمہ مرے۔ دانیال عزیز پارے کہ عمران خان بھارتی فرم اٹی ملازم ہم مسنے ہموکان پیسہ ہلسا کرینے، عمران خان حکومتی خڑچ آ نتھیا گلی ٹی رہینگ انگ ئِ۔
