اسلام آباد۔ 19 جون (اے پی پی) قائد ایوان سینیٹ سینیٹر راجہ ظفرالحق پاکستان کرکٹ ٹیم نا چیمپین ٹرافی نا فائنل اٹی بھارت نا برخلاف شاندار سرسہبی آ پاکستان کرکٹ ٹیم و مچ آ قوم ئِ مبارکبادی تسنے۔ راجہ محمد ظفرالحق پارینے کہ چیمپین ٹرافی نا فائنل اٹی پاکستان کرکٹ ٹیم نا سرسہبی مچ آ ٹیم انا کوشست و تین پہ تینی جہد نا نتیجہ ئِ ۔ غٹ گوازی گرآک میچ انا کٹنگ اٹی اہم کڑدادا کرسا نئے بیرہ بھارتی ٹیم انا غرور ئِ مش تا کریر بلکن کرکٹ ئِ ہروک آ شونکی تے اسہ جوان ئُ و دلچسپ ئُ میچ اس ہُننگ کن تسر و پاکستان نا انٹرنیشنل رینکنگ اٹی گچین پوزیشن کریر۔ راجہ محمد ظفرالحق پارے کہ قومی ٹیم میاں محمد نواز شریف نا دور حکومت اٹی ہی 1992نا ورلڈ کپ ئِ کٹاسس و داسہ چیمپین ٹرافی نا کپ ئِ ہم دوئی کرینے ۔ اوقومی کرکٹ ٹیم ئِ مبارکبادی تس۔
