اسلام آباد۔19جون (اے پی پی) مچ آ ملک آن اوغان مہاجر آتا وطن آ پدی ہِننگ نا عمل برجائِ داوخت اسکان 14لکھ 10 ہزار اوغان مہاجر تینا وطن آ پدی سرمسنو۔ پدی ہنوک آ رجسٹرڈ مہاجر آتے دوسد ڈالر فی کس وطن آ پدی ہِننگ آ تننگ انگ ئِ۔ وزارت سیفران نا کمامدارآتارداٹ پاکستان اٹی قیام پذیر اوغان مہاجر آتا وطن آ پدی ہِننگ نا عمل جاری ئِ وطن آ پدی ہنوک آ رجسٹرڈ مہاجر وطن آ پدی ہِننگ آن مست یو این ایچ سی آر تون رابطہ کرسا وطن آ پدی ہِننگ نا تاریخ ملنگ آن پد یو این ایچ سی آر نا وطن آ پدی ہِننگ نا بنجا تون رابطہ کننگ ئُ۔ وزارت نا کمامدارآتارداٹ داوخت اسکان 14لکھ 10 ہزار اوغان مہاجر پدی تینا وطن اوغانستان آ سرمسنو۔ پدی ہنوک آ رجسٹرڈ اوغان مہاجر آتے دوسد ڈالر فی بندغ تننگ انگ ئِ۔ کمامدارآتارداٹ اوغان مہاجر آتا وطن آ پدی ہِننگ نا عمل موسم سرما نا ایسری آن پد مارچ آن بلاتعطل جاری ئِ۔
