اسلام آباد۔ 18جون (اے پی پی) حکومت اینخو مالی سال اٹی سرکاری بشخ انا شونداری پروگرام نا رداٹ وزارت پٹرولیم وقدرتی وسیلہ نا چندی ڈٹ آتے کن داوخت اسکان جم وڑاٹ 4251ملین روپئی نا فنڈ جاری کرینے۔ سرکاری حساب وکتاب نا رداٹ 4ڈرلنگ رگز و جیالوجیکل سروے آف پاکستان کن ازباب و سازوسامان تا ہلنگ کن 415.8ملین روپئی، بدین کول فیلڈ و سویلی سندہ انا ایب وکیب علاقہ غاتیٹی کولانا پوسکن آ کوڑی کن 131.6ملین روپئی و ضلع لسبیلہ نا علاقہ اوتھل و بیلہ ٹی معدنیات نا پٹنگ کن 20 ملین روپئی نا فنڈ جاری کننگانے۔ چندی علاقہ غاتیٹی گیس انا فراوانی و سالٹ رینج اٹی مسٹ میکو درجہ نا بے انا پٹنگ کن بالترتیب 2059و 11.3 ملین روپئی نا فنڈ جاری کننگا۔ ضلع مانسہرہ ٹی گیس انا فراوانی کن 332.2ملین روپئی، ضلع ٹھٹھہ و سجاول 656.7، ضلع شیخوپورہ 170.6، ضلع حافظ آباد 532.7، ڈسٹرکٹ اوکاڑہ 369، ضلع مردان 183.8 و ضلع اٹک اٹی گیس انا فراوانی کن 25.6ملین روپئی نا فنڈ جاری کننگا۔ ہنداوڑ سرگودھا، سیالکوٹ و کہوٹہ ٹی گیس انا فراوانی کن جم وڑاٹ 1413ملین روپئی جاری کننگا۔
