اسلام آباد۔20اپریل (اے پی پی): مزن وزیر محمد شہباز شریف ءَ گوشتگ کہ چین پاکستان اقتصادی راہداری ءِ سبب ءَ پاکستان ءُ چین ءِ نیام ءَ معاشی ءُ دود ءُ ربیدگی یکوئی گوں ترندی ءَ دیمروئی کنگ ءَ انت۔ مزن وزیر کارگس ءِ میڈیا ونگ ءِ نیمگ ءَ شمبے ءِ روچ ءَ جاڑی بوتگین جار ءِ رد ءَ مزن وزیر ءَ چینی زبان ءِ میاں اوستمانی روچ ءِ درگت ءَ کلوہ ءَ گوشتگ کہ مرچی چینی زبان ءِ میاں اوستمانی روچ انت کہ ہزارانی سال کوھنیں چینی دود ءُ ربیدگی ترجمان زبان انت۔ آئی ءَ گوشتگ کہ گوستگیں بازیں سال ءَ چہ چین ءَ وتی معاشی دیمروئی ءِ سبب ءَ سرجمیں دگنیا ءَ وتارا منارینتگ ، چینی دود ءُ ربیدگ ءُ چینی زبان سرجمیں دگنیا ءَ گوں ترندی ءَ نامدار ءُ مشہور بوھگ ءَ انت۔ مزن وزیر ءَ گوشتگ کہ ایشی ءِ اندر ءَ اچ رنگیں شک نیست کہ مفچی چینی زبان سرجمیں دگنیا ءِ زبان جوڑ بوتگ ءُ یونائیٹڈ نیشن ءَ چینی زبان ءَ را بطہ ءِ آفیشل زبان آنی لڑ ءَ ھوار کنگ بوتگ۔
