اسلام آباد۔ 18جون (اے پی پی) بنجائی وزیر امور کشمیر و گلگت بلتستان چوہدری محمد برجیس طاہر پارے کہ محمد نواز شریف نا بے لوث سروکی ملک ئِ تہاری تیان کشسا روشن کسرتا کنڈآ روان کرینے و روشنی تا دا سفر محمد نواز شریف نا سروکی ٹی 2018ءآن پد ہم برجاسلک، ہرا سوگو و پائیدار شونداری نا بنداو گدرینگوک آ چارسال اٹی تخنگانے اونا مستین اٹی مثال اس ہم ملیپک۔ اوپارے کہ اینو چارسال انا گونڈ ئُ وخت اسے ٹی داہُننگ مریک کہ ملک آن دہشت گردی چٹانے و کراچی و بلوچستان تون اوار مچ آ ملک اٹی امن و ایمنی بحال مسنے، معاشی ٹک آک ملک اٹی مروک آ سوگو شونداری نا پیدواری ئِ کننگ ئُ و توانائی تنکی نا80 درسد مون ئِ توننگانے ، داکان بیدس محمد نواز شریف ہمیشہ اسہ قومی سیاسی راہشون اسے نا کڑد ئِ ادا کرسا ملک اٹی قومی یکجہتی و ہم آہنگی کن ہم پبی کڑدادا کرینے۔ داڑے جاری مروک آ اسہ بیان اسے نا رداٹ اوپارے کہ دا قومی یکجہتی و ہم آہنگی نا صفا ئُ ثبوت اس دادے کہ ملک اٹی جاری زبردست شونداری عمل آن غٹ آن زیات پاکستان نا پسماندہ علاقہ غاک فائدہ ہرفینو، فاٹا و بلوچستان اٹی محمد نواز شریف نا وژن نا طفیل ہزار آ کلومیٹر مریس روڈ آتا نیٹ ورک آ کاریم کننگ انگ ئِ ہراڑآن دا علاقہ غاتیٹی شونداری و شونہالی نا روشن وارخواہی ودی مننگ تون اوار اوار داعلاقہ غاتا ملک انا ایلو بشخ آتون رشتہ و رابطہ پین سوگومننگ ئِ۔
