کوئٹہ۔ 19 اپریل (اے پی پی)وزیراعلیٰ بلوچستان میر سرفراز بگٹی پارینے کہ بلوچستان اٹی گچین طرز حکومت و شاری تے ریلیف تننگ ننا اولیت آتیٹی اوار ءِ، سوغند ہرفوک آ غٹ وزیر آتے شام اسکان قلمدان تننگک۔ داخیال آتا درشانی ءِ او گورنرہاؤس اٹی سوغندی دود آن پد میڈیا تون گپ وتران کرسا کرے، وزیراعلیٰ بلوچستان میر سرفراز بگٹی پارے کہ کابینہ نا ٹہیفنگ اٹ غٹ جماعت آتا سلابت اٹ تکمیل مس ہندا سوب ءِ کابینہ نا ٹہیفنگ اٹ تاخیر مس اوپارے کہ داوخت آ بلوچستان ءِ دہشت گردی تون اوار بھاز انگا چیلنج مون تروک ءِ، دہشت گرد آتے چٹفنگ کن گچین گام گیج کروئی مریک ، اوپارےکہ ساڑی آمروک آ پِر و نوکاپی حالیت آتون مون تننگ کن ننا ٹیمک لگوک ءُاگہ کمک نا گرج مس تو بنجاتون رجوع کننگک۔
