اسلام آباد۔18اپریل (اے پی پی): مزن وزیر محمد شہباز شریف ءَ یورپی یونین ءِ گوما یکجائی ءَ کار کنگ ءِ واھشت ءِ درشان ءَ کنان ءَ گوشتگ کہ یورپی یونین پاکستان ءَ جتا جتائیں شوبگ ءَ گہتری کار آنی واستہ شور ءُ مشور ءُ ازمکاری پجاری کنگ ءِ واستہ ارزشتی ایں کرد ءِ پیلو کت کنت۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ پاکستان ءَ یورپی یونین ءِ سفیر ایمبیسیڈر رینا کیونکا ءَ ادا گند ءُ نند کت۔ مزن وزیر ءَ وتی دوارگ گچین ءِ پد ءَ مبارفکی ءِ کلوہ ءَ یورپی یونین ءِ سروک آنی شگر ءُ منت واری گپت۔ مزن وزیر ءَ یورپی یونین ءِ سفیر ءَ گوں تران ف کنان ءَ گوشت کہ آ یورپی یونین ءِ گوما یکجائی ءَ کار کنگ ءِ واھشت ائیگ انت۔ آئی ءَ گوشت کہ پاکستان ءِ یورپی یونین ءِ گوما دوستی ءُ یکوئی است انت۔ آئیءَ دوئیں نیمگ آنی نیام ءَ استیں ادارگی کار رھبند آنی سر ءَ دل یکیمی ءِ درشان کت۔
