اسلام آباد۔18اپریل (اے پی پی): بنجاھی وزیر اھوالکاری ءُ شنگ کاری عطاء اللہ تارڈ ءَ گوشتگ کہ 9 مئی ءِ ارش کنوک مرچی ملکی سیت آنی سر ءَ ارش کنگ ءَ انت، ملکی سیت آنی ھلاپ ءَ گپ ءُ تران کنوک پاکستان دژمن انت، وتی سیاسی سیت ءُ کینگ آناں ملکی سیت ءِ سر ءَ ترجی للدیگ لائک ءِ مذمت ءُ اپسوزی انت۔ پنچ شمبے ءِ روچ ءَ میڈیا ءَ گوں تران کنان ءَ بنجاھی وزیر ءَ گوشت کہ تحریک انصاف ءَ اولی ملکی سیت ءِ ھلاپ ءَ بیان داتگ پدا ایشی ءَ چہ لاتعلقی ءِ درشان کتگ۔ اے پی ٹی آئی ءِ کوھنیں کار رپک ات، آئی ءِ لیڈر پیسر ءَ چہ کیس آنی گوما دیم پہ دیم انت۔ آئی ءَ گوشت کہ ملک ءَ سرمایہکاری پاکستان ءِ دژمن آنی لاپ ءَ ہضم نہ بوھگ ءَ انت، اے وڑیں چیز آنی واستہ پنت ءُ شون ءِ دعا ءُ نیک ءَ کناں۔ کاش کہ اے مردم ملک ءِ سیت ءِ واستہ تران بکن اَنت۔
