اسلام آباد۔ 18 اپریل (اے پی پی) اسپیکر قومی اسمبلی سردار ایاز صادق پارینے کہ پاکستان برطانیہ تون تینا متکن آ تعلقداری تے بھاز اہمیت ایتک ہرا تین پہ تینی شرف و گیشتر علاقائی وجہانی ویل آتیا اسہ وڑ خیال آتیا تالان ءُ۔ ہڑتوم آسنگت ملک آتا نیام اٹ السی و پارلیمانی رابطہ غاتیان تین پہ تینی فائدہ و اقتصادی تعلقداری نا بشخ آتیٹی پین گینی بریک۔ داخیال آتا درشانی …
اسپیکر قومی اسمبلی نا برطانوی ہائی کمشنر تون اوڑدہی ٹی گپ وتران
گیشتریں ھال
اسلام آباد۔ 18 اپریل (اے پی پی) اسپیکر قومی اسمبلی سردار ایاز صادق پارینے کہ پاکستان برطانیہ تون تینا متکن آ تعلقداری تے بھاز اہمیت ایتک ہرا تین پہ تینی شرف و گیشتر علاقائی وجہانی ویل آتیا اسہ وڑ خیال آتیا تالان ءُ۔ ہڑتوم آسنگت ملک آتا نیام اٹ السی و پارلیمانی رابطہ غاتیان تین پہ تینی فائدہ و اقتصادی تعلقداری نا بشخ آتیٹی پین گینی بریک۔ داخیال آتا درشانی ءِ او پاکستان اٹ برطانوی ہائی کمشنر جین میریٹ تون گپ وتران کرساکرے۔ ہرا پنچ شنبے نادے آ پارلیمنٹ ہاؤس اٹی اوڑتون اوڑدہی کرے۔ برطانوی سفارتکار تون گپ وتران کرسااسپیکر پارے کہ پارلیمانی سفارتکاری تاریخی وڑاٹ ہڑتوم آ ملک آتا نیام اٹ ہڑتوم آ کنڈآتا تعلقداری ءِ سوگو کننگ اٹ اہم کڑد ادا کرینے۔ اوہڑتوم آ پارلیمان تا نیام اٹ پارلیمانی سنگتی گروپ و بڑزکو کہولی ڈل آتا ہن و بر نا کمک اٹ اسہ ایلو نا آزموندہ غاتیان فائدہ ہرفنگ نا گرج آ زور شاغا و پارے کہ دا چرجوئی ٹی برطانوی دارالعلوم نا اسپیکر ءِ پارلیمنٹ نا باسک آتون اوار دورہ ءِ پاکستان نا سلہ ءِ خلنگک۔
