جدہ۔ 18جون (اے پی پی) صدر مملکت ممنون حسین مکہ نا الصفاءپلیس اٹی سعودی عرب نا فرمان رواءوخادم الحرمین الشریفین شاہ سلمان بن عبدالعزیز تون اوڑدہی کرے۔ شاہ سلمان بن عبدالعزیز صدر مملکت و اونا ڈل انا اعزاز اٹی افطاری نا بست و بند ئِ کریسس۔ داوخت آ ہڑتوم آ راہشونک زرس اوار ئسر و تین پہ تینی و ہڑتوم آ کنڈآتا است خواہی نا معاملہ غاتیا خیال آتا درشانی ئِ کریر۔ صدر مملکت پارے کہ پاکستان و سعودی عرب نا نیام اٹ برادرانہ تعلقداریک ئُ و غٹ پاکستانی تا است اٹی سعودی عرب کن خصوصی ئُ ہند اسے۔ صدر مملکت حرمین شریفین نا زیارت کن بروک آ معتمرین و عازمین حج ئِ آسراتی تا فراوانی آ شاہ سلمان بن عبدالعزیز نا فراخدلی و کوشست آتا ستائِ کرے۔ اوکان پد صدر مملکت و اونا ڈل انا باسک آک کمرشل جہاز انا ذریعہ سعودی عرب آن وطن آ پدی رادہ مسر۔ گورنر جدہ شہزادہ مشال بن ماجد بن عبدالعزیز، جدہ نا میئر ڈاکٹر ہانی بن محمد ابورئیس و ایلو سعودی کمامدارآک صدر مملکت و اونا ڈل ئِ شاہ عبدالعزیز ایئر پورٹ آ رخصت کریر۔

متعلقہ مضامینمصنف کی طرف سے مزید