لاہور۔17جون (اے پی پی) بنجائی وزیر دفاعی پیداوار اینڈ سائنس و ٹیکنالوجی رانا تنویر حسین پارینے کہ وزیراعظم نواز شریف و وزیراعلیٰ پنجاب شہباز شریف جے آئی ٹی نا مون آ پیش مرسا آئین و کانود نا پاسداری ئِ کرسا ثابت کریر کہ ملک اٹی آئین و کانود نا بالادستی ئِ۔ شریف خاہوت نا مستین اٹی ہم احتساب ئِ کننگا ولے شریف خاہوت آ اسہ ٹکااسے نا ہم کرپشن ثابت متو ، نواز شریف سرسہب مریک وخت اس کہ مخالف آتا مون سلک ، اوڑآ کرپشن نا دوبہ خلوک آتے مستین آنبار اینو ہم شرمندگی تون مون تروکی تمک ، بے بنداو دوبہ خلنگ نا ہچ ئُ حیثیت اس اف، چمب کروک آعنصر آک دروغ نا سیاست کننگ تون اوار اوار ملکی شونداری و شونہالی نا کسر اٹی اڑاند شاغنگ ئُ ، الس 2018ءنا گچین کاری تیٹی منفی سیاست کننگ و شونداری نا ترند رفتارسفر ئِ توننگ نا کوشست کروک آتے اسہ وار ولدا وونٹ انا طاقت اٹ مسترد کینہ۔ او شرقپورشریف و فیض پور خورداٹی شونداری ڈٹ آتا بناءنا وخت آ تران و میڈیا تون ہیت وگپ کریکہ۔
