اسلام آباد۔ 17جون (اے پی پی) پاکستان اکانومی واچ نا صدر ڈاکٹر مرتضیٰ مغل پارینے کہ پاک چین اقتصادی راہداری پاکستان نا الس نا قسمت ئِ بدلیفوک آ ڈٹ ئِ ۔ ہفتہ نا دے تینا اسہ انٹرویو اسے ٹی اوپارے کہ بنائی وڑاٹ داڈٹ اکن 45 ارب ڈالر نا زرکاری نا پڑو کننگاسس، ہرادے داسہ 56 ارب اسکان ودفنگانے، دافتیان 35 ارب ڈالر نا ڈٹ توانائی و ایلوک بنداوی ڈھانچہ نا بابت ئُ۔ داڈٹ آتا پوروی آن ملک اٹی توانائی تنکی نا چٹفنگ اٹی کمک رسینگک۔ اوپارے کہ دا ڈٹ آتیٹی روزگار نا 7لکھ وارخواہی ودی مریک وخت اس کہ پیداواری سرجز و برآمدآتیٹی ودکی مریک، سی پیک ڈٹ آتیان پاکستان نا چندی علاقہ غاتیٹی صنعتی زون اڈہلیک ہرا بنجاءنا کنٹرول اٹی مریرہ۔
