”بدعنوانی آن انکار“ نا سرحال آن تدارکی و آگاہی مہم اٹی پیش رفت نا جاچ
اسلام آباد۔ 17 جون (اے پی پی) چیئرمین قومی احتساب بیورو(نیب) قمر زمان چوہدری نیب ہیڈکوارٹر اٹی ”بدعنوانی آن انکار“ نا سرحال آن تدارکی و آگاہی مہم آ پیش رفت نا جاچ ئِ ہلک۔ چیئرمین نیب دیوان ئِ پارے کہ پرنٹ و الیکٹرانک میڈیا آ ”بدعنوانی آن انکار“ نا سرحال آن بے کچ فعال و گچین تدارکی و آگاہی مہم اٹی ٹرانسپرنسی انٹرنیشنل نا کرپشن پرسپشن انڈیکس(سی پی آئی ) نا ساڑی آ رپورٹ اٹی پاکستان 126می آن 116می نمبرآ بسنے۔ پاکستان نیب انا کوشست آتیان داسرسہبی تے دوئی کرینے، نیب آرڈی ننس نا سیکشن 33 نارداٹ ادارہ ئِ بدعنوانی نا برخلاف تدارکی و آگاہی سرجز بناءکننگ نا مینڈیٹ دوئی ئِ۔ نیب کرپشن نا برخلاف آگاہی تالان کننگ کن چندی سرکاری، غیر سرکاری و شاری حق انا تنظیم آتون رابطہ ٹی ئِ۔ و اونا کمک و صلابت آن بدعنوانی نا برخلاف کلہو ئِ تالان کننگ انگ ئِ۔ راج انا غٹ تپہ غاتیان دوئی کروک آ فیڈ بیک آن دا مہم نا سرسہبی نا ثبوت ملانے ، نیب انا کوشست آتیان داوخت غٹ شیڈولڈ بنک آتا اے ٹی ایم مشین نا پرچی تیا ”بدعنوانی آن انکار“ نا کلہو ساڑی ئِ۔ انسداد بدعنوانی نا جہانی دے انا وخت آ ایوان صدر اٹی قومی سیمینار اس اڈ تننگا ہرانا کماشی ئِ صدر مملکت ممنون حسین کرے۔
