کوئٹہ۔ 03 اپریل (اے پی پی) بلوچستان عوامی پارٹی نا صوبائی اسمبلی نا باسک فرح عظیم شاہ پارینے کہ حکومت بلوچستان نا کنڈآن عئید انا وخت آ لیاقت پار ک اٹی ایمان پاکستان نا پن اٹ میلہ اس اڈتننگک، وزیراعلیٰ بلوچستان کابینہ نا جوڑ کننگ آ کاریم کننگ ءِ ، اومیت ءِ اِرا مسہ دے اٹی کابینہ ءِ گچین کننگک۔ داخیال آتا درشانی ءِ او کوئٹہ پریس کلب اٹی چارشنبے نادے آ اسہ پریس کانفرنس اسے آن تران کرسا کرے۔ اسمبلی نا باسک فرح عظیم شاہ پارے کہ وزیراعلیٰ بلوچستان میر سرفراز بگٹی بلوچستان نا ویل آتے ایسر کننگ کن غٹ سیاسی جماعت آتے اوار دننگ خواہک۔ اوپارے کہ وزیراعلیٰ نا وژن ءِ کہ صوبہ نا ورناک ملک انا شونداری و شونہالی ٹی تینا کڑد ءِ ادا کیر، اودے ورناتا ویل آتا درک ارے و صوبائی حکومت اوفتا ویل آتے ایسر کننگ کن کوشست کننگ ءِ۔ اوپارے کہ عئید انا وخت آ لیاقت پارک اٹی ’’ایمان پاکستان‘‘ نا پن اٹ 15 تاریخ آن 21 تاریخ اسکان میلہ اس اڈتننگ انگ ءِ ، شاری تیان خواست ءِ کہ او میلہ ٹی پبی بشخ ہلیر۔ اوپارے کہ دامیلہ ٹی چندی محکمہ غاتا کنڈآن اسٹال ہم خلنگک و زالبول آک دا میلہ ٹی تینا بشخ ہلنگ ءِ پک کیر۔ اسہ سوج اسے نا ورندی ٹی اوپارے کہ ہراتم صوبہ سوگو مریک تو پاکستان سوگو مریک۔
