پاکستان و چین نا نیام اٹ سدابہار سنگتی ئِ ، دہشت گردی نا برخلاف جنگ اٹی چین نا پورو مخ تفی آ پاکستان نا حکومت و فوج اناکڑد ستاءکڑزک
اسلام آباد+بیجنگ۔16جون (اے پی پی) چین نا بڑزکو سیاسی سلاہکار یوزینگ شینگ پاکستان و چین نا نیام اٹ سنگتی ئِ سدابہار گوندسا دہشت گردی نا برخلاف جنگ اٹی چین نا پورو مخ تفی آ پاکستان نا حکومت و فوج انا ستائِ کرینے۔ داہیت ئِ او چیئرمین جائنٹ چیفس آف اسٹاف جنرل زبیر محمود حیات تون اوڑدہی ٹی پارے۔ اوپارے کہ ہڑتوم آ ملک آک و ڈیہہ نا ملک آتا امن و سلامتی ئِ رکھ جوڑ کننگ کن پاکستان و چین نا سلہہ بند فوج ئِ اسہ ایلو تون بایدے کمکاری ٹی ودکی کروئی مرے۔ یوزینگ شینگ ، ہراچین انا سیاسی صلابتی کانفرنس نا قومی کمیٹی نا چیئرمین ہم ارے، ہڑتوم آ ملک آتا راہشون تیا زور شاغا کہ او پاک چین اقتصادی راہداری نا جوڑ جوڑ و پوروی ئِ زوت آن زوت المی جوڑ کیر۔ جنرل زبیر محمود حیات داوخت آ پارے کہ پاکستان و چین نا نیام اٹ ہڑتوم آ کنڈآتا فوجی کمکاریئِ مون آ دننگک و پاکستان اقتصادی راہداری ئِ رکھ تننگ کن گام گیج کیک۔
