منشیات تور فورس انا کارروائی، 133 کلوگرام منشیات دوئی

راولپنڈی۔ 03 اپریل (اے پی پی) منشیات تور فورس (اے این ایف) منشیات اسمگلنگ نا برخلاف6 کارروائی تیٹی 133 کلوگرام منشیات دوئی کرسا 3 دوبہ دار آتے دزگیرکرے۔ اے این ایف ہیڈکوارٹر راولپنڈی آن جاری بیان نارداٹ اسلام آبادبالی پٹ آ اِرا کارروائی تیٹی شارجہ و جدہ غا ہنوک آمسافر آتیان 1 کلوگرام ہیرون دوئی کننگا۔ راولپنڈی ٹی کوریئر آفس اٹ برطانیہ غان مون تروک آ اِرا پارسل آن 236 گرام ویڈ دوئی کننگا۔ گوادر آن 125 کلوگرام آئس دوئی کننگا۔ ٹنڈوجام حیدرآباد اٹی  دوبہ دار اسے آن  2 کلوگرام افیم و 5 کلوگرام چرس دوئی کننگا۔ ترجمان پارے کہ دزگیر دوبہ دار نا برخلاف منشیات تور ایکٹ انا رداٹ مقدمہ نوشتہ کرسا جاست وپاست نا بنا ءِ کننگانے۔