اسلام آباد ۔ 02 اپریل (اے پی پی) پاکستان تون اوار مچ آ دنیاٹی سے شنبے نادے آ آٹزم آن آگاہی نا جہانی دے ءِ اڈتننگا۔ آٹزم آن زہمی چناک تینا زند اٹی مگن مریرہ و لائخی تا زہمی مننگ نا سوب آن راج اٹ اہم کڑد ادا کننگ آن قاصرمریرہ۔ آٹزم آن زہمی چناتیٹی ہیت کننگ، پہہ مننگ، ہیل کننگ نا لائخی زہمی مریک ۔ دنیا نا چندی ملک آتیٹی دا ناجوڑی نا سوب آتے ہُننگ نا کوشست کننگ انگ ءِ ولے داسکان گڈیکو سوب آتا تعین ءِ کننگ متنے۔ آٹزم نا جہانی دے انا رداٹ مچ آملک اٹی چندی کارروائی، نجی و طبی تنظیم تا کنڈآن دود اڈتننگا و آٹزم نا بابت آگاہی فراوان کننگا۔
