اقوام متحدہ۔ 02 اپریل (اے پی پی) پاکستان اقوام متحدہ نا تخفیف سلہہہ کمیشن ءِ پارینے کہ بھارت نا کنڈآن بھلو کچ اسے آ سلہہ غاتا دوئی کننگ و اونا جارحانہ فوجی پالیسیک سولی ایشیاٹی سلامتی نا حالیت آتے نزور و دھماکہ خیز مواد جوڑ کرینو۔ اقوام متحدہ ٹی پاکستان نا آخبتی نمائندہ منیر اکرم جنرل اسمبلی نا ذیلی ادارہ تخفیف سلہہ کمیشن اٹی تخفیف سلہہ نا بابت دیوان اٹی جہانی برادری آ زور شاغانے کہ او داحالیت آتون مون تننگ کن گام گیج کے۔ اوپارے کہ ننے دا پاننگ نا گرج اف کہ دا پیش رفت پاکستان نا سلامتی ءِ زہمی کیک۔ پاکستانی مندوب بھارت نا پن ءِ ہلنگ آن بیدس پارے کہ سویلی ایشیاٹی سلامتی نا حالیت ساڑی آسال تیٹی ترندی اٹ خراب مسنے، انتئے کہ ڈیہہ انا غٹ آن بھلا ریاست بھلو کچ اسے آ سلہہ غاتا دوئی کننگ نا پروگرام نا بناءِ کرینے ۔ اوپارے کہ بھارت داسہ دنیا نا غٹ آن بھلا سلہہ درآمد کروک آ ملک ءِ و اونا اسٹریٹجک شریدار ملک ءِ جوہری میزائل و سیکورٹی نا حالیت آتے نزور کروک آ سلہہ فراوان کننگ ءِ۔
