اسلام آباد ۔ 02 اپریل (اے پی پی) پاکستان نا شام انا شار دمشق اٹی ایرانی سفارت خانہ نا قونصلر سیکشن آ جلہو نا ترندی اٹ مذمت ءِ کرسا زہمی تا خاہوت، الس و ایران نا حکومت تون ہڑزخواہی نا درشانی ءِ کرینے۔ ترجمان دفترخارجہ نا کنڈآن جاری بیان اٹی پاننگانے کہ دا جلہو شام انا وتواجہی نا ناقابل خلاف ورزی ءِ و اونا سوگوی و سلامتی ءِ نسخان ایتک۔ بیان نا رداٹ دا جہانی کانود و اقوام متحدہ نا چارٹرنا خلاف ورزی ءِ، 1961نا سفارتی تعلقداری نا ویانا کنونشن نا رداٹ سفارت کار یا سفارتی آسراتی تا برخلاف جلہو ہم غیرکانودی ءِ۔ بیان اٹی مستی پاننگانے کہ اسرائیلی فوج انا غیر زموارانہ گام مہالو آن نزوری نا گواچی ڈیہہ اٹی اسہ بھلو ودکی اسے۔ ترجمان تینا بیان اٹی پارے کہ نن اقوام متحدہ نا سلامتی کونسل آن خواست کینہ کہ او اسرائیل ءِ ڈیہہ اٹی اونا مہم جوئی و ہمسایہ ملک آتیا جلہو کننگ و درملکی سفارتی تنصیب آتے شست کننگ نا غیر کانودی کارروائی تیان تورے ۔
