علاقائی سلامتی، امن، شونہالی و سوگوی نا معاملہ غاتیا امریکہ و پاکستان نا نیام اٹ خڑکی شریداری ئِ ، ہڑتوم آ ملک آک انسداد دہشت گردی تون اوار چندی بشخ آتیٹی کمکاری ئِ برجاتخرہ
اسلام آباد+واشنگٹن۔16جون (اے پی پی) امریکہ پارینے کہ علاقائی سلامتی، امن ، شونہالی و سوگوی نا معاملہ غاتیا امریکہ و پاکستان نا نیام اٹ خڑکی شریداری ئِ، ہڑتوم آ ملک آک انسداد دہشت گردی تون اوار چندی بشخ آتیٹی کمکاری ئِ برجاءتخرہ۔ داہیت ئِ امریکی محکمہ دفاع نا زالبول ترجمان ہیتھرناورٹ تدوک آ دے معمول نا پریس بریفنگ اٹی پاکستان نا بابت پالیسی آ نظرثانی نا بارواٹی سوج انا ورندی ٹی پارے۔ اوپارے کہ بیرہ پاکستان نا بابت پالیسی آ نظرثانی نا تاثر درست اف، امریکہ اوغانستان، ایران تون اوار چندی ملک آتا بابت پالیسی آ نظرثانی کرسا بننگ ئِ وپاکستان نا بابت پالیسی آ نظرثانی ہم ہند اچرجوئی نا اسہ کڑی اسے ہراٹی ہچ ئُ غیر معمولی ئُ ہیت اس اف۔ اوپارے کہ امریکی محکمہ خارجہ پاکستان نا بابت بین الاایجنسی پالیسی ریویو نا عمل نا بنائِ کرینو، سویلی ایشیاءبشمول پاکستان اوغانستان و ایلو ملک آتے کن دا امریکہ کن وسیع تر حکمت عملی نا بشخ اسے۔ امریکہ و پاکستان نا علاقائی امن، سلامتی، شونہالی و سوگوی آ خڑکی کمکاری ئِ، نن حکومت پاکستان تون انسداد دہشت گردی تون اوار چندی بشخ آتیٹی کمکاری ئِ برجاءتخنہ۔
