راولپنڈی۔ 01 اپریل (اے پی پی) اینٹی نارکوٹکس فورس تعلیمی ادارہ غاتیٹی منشیات نا ترسیل نا برخلاف جاڑ انگا شار اسلام آباد/راولپنڈی ٹی کریک ڈاؤن نا بناءِ کرینے۔ اے این ایف ہیڈکوارٹر راولپنڈی آن جاری بیان نا رداٹ تعلیمی ادارہ غاتیٹی منشیات نا برخلاف کریک ڈاؤن اٹی کھنہ پول آ 2.4 کلوگرام چرس کوزہ ٹی ہلنگا۔ دوبہ دار ہندی یونیورسٹی ٹی بی ایس کمپیوٹرسائنس نا طالب علم اسے۔ لہتراڑروڈ آ واقع وحید آباد کالونی نا خڑک دوبہ دار منشیات تون اوار دزگیرکننگا۔ کارروائی ٹی دوبہ دار آن 6 کلو گرام چرس دوئی کننگا۔ دوبہ دار جاست وپاست اٹی چندی ہاسٹل آتیٹی منشیات سپلائی نا اعتراف کرے۔ ترجمان پارے کہ تعلیمی ادارہ غاتیٹی منشیات نا کاریم اٹ اتنگ و ہلنگ و بہا کننگ تعلیمی دوئی کننگ کن اڑاند اسے، داکان بیدس دا ورناتا آخبتی و راج انا جوڑ کننگ کن خطرہ اس ہم ارے۔ طالب علم آتا منشیات فروشی ٹی اوار مننگ افسوزناک ءِ۔ ترجمان پارے کہ منشیات اسمگلنگ نا برخلاف جنگ اٹی اے این ایف سخت کوشست آتے برجاتخانے۔ منشیات کون آ لعنت ءِ تالان کننگ آ ن توننگ لمہ و باوہ و استاد آتا کمک آن بیدس ممکن اف، تعلیمی ادارہ غاتا تقدس ءِ برقرارتخنگ کن انتظامیہ نا طلبہ و ہنکینی ہاسٹل آتا سخت چاروکی المی ءِ۔
